27 сакавіка ў Гарбачэўскай сельскай бібліятэцы прайшло пасяджэнне краязнаўчага клуба па інтарэсах “Вербейка” – “Расоншчына – мой цудоўны край!”.  Бібліятэкар пазнаёміла членаў клуба з геаграфічным становішчам нашага раёна, багатай гісторыяй, славутасцямі. Дзеці даведаліся аб трагічных падзеях, якія адбываліся на Расоншчыне ў перыяд нямецкай акупацыі, а таксама пра подзвігі герояў-падпольшчыкаў. Даведаліся, якія выпрабаванні прыйшлося вытрымаць іх аднагодкам падчас вайны.

 Пазнаёміла і са знакамітымі пісьменнікамі і паэтамі выхадцамі з Расоншчыны, і іх творчасцю. Да мерапрыемства дзеці падгатавалі і чыталі вершы мясцовых паэтаў аб Расонскай зямлі.

Падчас мерапрыемства дзеці прынялі ўдзел у краязнаўчай віктарыне “Хто лепш ведае край родны?”, дзе адказвалі на пытанні па гісторыі і прыродзе роднага краю. Мерапрыемства прайшло цікава і пазнавальна і скончылася чаяваннем.