10 красавіка ў Гарбачэўскай сельскай бібліятэцы прайшло пасяджэнне краязнаўчага клуба па інтарэсах “Верабейка” – “Легенды і паданні зямлі Расонскай”.

Да краязнаўчага падарожжа дзеці загадзя падгатаваліся: апыталі сваіх бацькоў, бабуль і дзядуль пра тое, што яны ведаюць пра гісторыю свайго краю, і падзяліліся гэтымі звесткамі. Бібліятэкар пазнаеміла прысутных са зборнікам Р.К. Прудоўскага, дзе ен сабраў паданні запісаныя мясцовымі краязнаўцамі. Дзеці зачыталі паданні запісаныя былой настаўніцай Гарбачэўскай школы Г.І. Быхавец пра паходжанне вескі “Перавалка”, “Паданне пра Царквішча”, “Легенда пра Бродна”. З кнігі Н.Кожар “Во имя веры и надежды” даведаліся пра касцел Святога Юзафа і Найсвяцейшай Панны Марыі, які знаходзіўся ў весцы Гарбачэва, прачыталі яе апавяданне “Мелодыя белага касцелу” і верш “Знявечаны крыж”. На праканцы мерапрыемства правялі гульнявую праграму “Прыказкі і прымаўкі”.

Такія мерапрыемствы пашыраюць цікавасць у дзяцей да культуры і гісторыі свайго краю, вучаць не забывацца на тое, што асаблівасці пэўнай мясцовасці могуць проста знікнуць, калі знікне памяць пра іх.