1 ліпеня ў Сяляўшчынскай сельскай бібліятэцы да Дня Незалежнасці Рэспублікі Беларусь бібліятэкар правяла для дзяцей завочнае падарожжа па Рэспубліке – “Твая зямля, твая Радзіма названа светла – Беларусь!”. У пачатку мерапрыемства дзеці дазналіся, што Дзень Незалежнасці Рэспублікі Беларусь  адзначаецца 3 ліпеня — ў дзень вызвалення ў 1944 годзе горада Мінска ад нацысцкіх захопнікаў.

Рашэнне аб устанаўленні галоўнага свята беларускай дзяржаўнасці менавіта ў гэты дзень было прынята ў выніку рэспубліканскага рэферэндуму ў 1996 годзе. Затым дзеці адправіліся ў падарожжа: на першым прыпынку называлі назву абласнога цэнтра і гістарычныя помнікі Беларусі, якія ў гэтай вобласці знаходзяцца. Наступны прыпынак быў прысвечаны прыродзе роднага краю. Дзеці разгадвалі загадкі на беларускай мове. На трэццім прыпынку правялі гульню “Простыя рэчы”, дзецям трэба было назваць прадметы на беларускай мове, хто не ведаў – той выконваў заданне (танцаваў, пляскаў у ладкі, цвіркаў ...). Вельмі спадабалася падлеткам і гульня-танец “Вясёлая полька”, пад музыку яны танцавалі, трымаючыся за рукі.

Напрыканцы мерапрыемства дзеці намалявалі сімвалы Беларусі і ўпрыгожылі малюнкамі тэматычную выставу падгатаваную да гэтага свята.