7 ліпеня ў раённай бібліятэцы да дня нараджэння класіка беларускай літаратуры, народнага паэта Беларусі Янкі Купалы прайшла гадзіна паэзіі “Ён і сёння з намі, наш Купала”. Вядучая пазнаёміла прысутных з жыццём і творчасцю паэта, без якога немагчыма ўявіць сабе беларускую літаратуру. Янка Купала выступаў як паэт, драматург, публіцыст, перакладчык, грамадскі дзеяч, яго талент шматбаковы і разнастайны. Купала быў рэдактарам адной з першых беларускіх газет, стварыў мноства геніяльных паэм і п’ес, а яго вершы перакладзены на сотні моў свету. На працягу мерапрыемстве пранікнёна гучалі вершы паэта ў выкананні  бібліятэкараў,  а па завяршэнні з прысутнымі была праведзена віктарына па творчасці пісьменніка “Ці ведаем мы Купалу?”.

У чытальнай зале бібліятэцы ўвазе чытачоў была  прадстаўлена выстава літаратуры аб жыцці і творчасці нацыянальнага класіка Беларусі, творы Янкі Купалы з фонду бібліятэки, якія увайшлі ў залаты фонд беларускай літаратуры.