7 ліпеня ў Краснапольскай сельскай бібліятэцы бібліятэкар Вабішчэвіч А.М. правяла для дзяцей літаратурную гульню-падарожжа па беларускіх казках “Жылі – былі казкі!”. Бібліятэкар распавяла дзецям аб тым, што на свеце ёсць вельмі шмат казак, што казкі бываюць народныя і аўтарскія. Казкі вучуць жыццёвай мудрасці, маюць пазнавальнае і выхаваўчае значэнне, ў казках заўжды дабро перамагае зло.

Дзеці ўважліва слухалі вершаваную казку беларускага пісьменніка Уладзіміра Дубоўкі “Цудоўная знаходка”.  Адказваючы на пытанніі віктарыны “Падарожжа па беларускіх казках” дзеці ўспаміналі казкі, складзеныя беларускім народам. Выконвалі гульнявое заданне “Назаві казку”, дзе адгадвалі казкі па малюнкам, разгадвалі цікавыя рэбусы і загадкі на беларускай мове. Пасля мерапрыемства яны малявалі палюбіўшыхся герояў казак.

У чытальнай зале бібліятэкі была аформлена кніжная выстава “Жылі – былі казкі!”, на якой  прысутныя пазнаёміліся з малазнаёмымі для іх казкамі і казкамі сучасных беларускіх аўтараў з фонда бібліятэкі.