13 ліпеня ў чытальнай зале раеннай бібліятэцы адбылося чарговае пасяджэнне літаратурнага клуба “Винтаж”. На мерапрыемства да 145-годдзя з дня нараджэння вядомай беларускай паэткі Цеткі сабраліся члены клуба і прыхільнікі яе творчасці. Літаратурнае знаёмства з творчасцю Алаізы Пашкевіч, больш вядомай пад псеўданімамі Цётка, Мацей Крапіўка, Гаўрыла з Полацку, пачалося з аповеду бібліятэкара А.Г. Раманкевіч пра жыццевы і творчы шлях пісьменніцы.
Прысутные дазналіся што яна пражыла мала, напісала не вельмі шмат, але ў гісторыі беларускай літаратуры ХХ стагоддзя займае пачэснае месца. Цётка — пачынальніца беларускай літаратуры, палымяная рэвалюцыянерка, змагарка за адраджэнне роднага слова. На мерапрыемстве прысутныя з пачуццём чыталі вершы і ўрыўкі з апавяданняў паэткі. Шмат цікавай інфармацыі пра паэтку даведаліся з падрыхтаванай відэапрэзентацыі “Песня і кветка Айчыны”.
На кніжнай выставе “Паэтэса, асветніца і педагог”, якая была падгатавана да 145-годдзя з дня нараджэння пісьменніцы ў чытальнай зале бібліятэцы, пададзены кнігі і фотаздымкі з часу жыцця пісьменніцы, а таксама цікавыя матэрыялы з перыядычных выданняў, прысвечаныя ёй.
