Да 75-й гадавіны вызвалення Расон

Азірнуўся ў гады ліхалецця,
Дзе станала ад жаху зямля.
Подзвіг прадзедаў зоркаю свеціць,
Светлы з вечнасці іхны пагляд.

Ад фашысцкай навалы чарнела.
Йшоў пятнаццаты месяц вайны.
Партызаны расоншчыны смела
Бралі зброю і ў бой йшлі яны.

Вераснёўскай асенняй парою
Глухлі высі расонскіх нябёс
Ад гармат, партызанскага бою,
Што надзею да сэрцаў прынёс.

Вораг збег, пакідаўшы трафеі.
Шмат чужынцаў – нямецкіх салдат –
Адыйшлі да нябеснае феі…
Ім адтуль не вярнуцца назад.

Так Расонска-Асвейская зона
Партызанскаю звацца змагла.
Па суровым ваенным законе
У нялёгкім змаганні жыла…

Сціплы надпіс. На помніку дата,
Што ўжо ў верасні ў сорак другім
Пераможны тут сцяг быў узняты,
Каб мы сёння жыць мірна маглі.

Аляксандр Матошка