Няма на свеце прыгажэй жанчын,

Што талентам шчыруюць у натхненні,

Будуюць светлай шчырасці зачын,

Душы і сэрцу ладзяць разуменне.

У кожнай з вас – стваральніцы душа:

Напіша верш, паставіць нават п’есу.

Мяжы не мае творчасці абшар,

Ёсць і для песні годнае тут месца.

Няхай вам шле святло асенні дзень!

Для хараства заўсёды ёсць прычыны:

Калі душа сілкуецца з надзеяй –

Натхненнем згуртаваныя жанчыны!

Партрэт алоўкам пісанай красы,

А выраб з бісеру – шэдэўр цярпення,

Узоры нітак, звязаныя ў сны –

Усё – ёсць вашых добрых рук тварэнне!

Дабра і шчасця – доўгія гады,

Каб мір, спакой быў сябра ў вашай хаце.

Няхай жа сцеражэ вас ад бяды

Душы натхненне – вашае багацце.

Няма на свеце прыгажэй жанчын,

Што талентам шчыруюць у натхненні!

Будуйце ж светлай шчырасці зачын,

Душы і сэрцу ладзьце разуменне!

                              А. Матошка