Работнікі Расонскага падраздзялення МНС працягваюць праводзіць інфармацыйна-тлумачальную працу з насельніцтвам па папярэджанні пажараў і гібелі на іх людзей.

Асаблівая ўвага надаецца наведванню домаўладанняў састарэлых грамадзян, інвалідаў і сем'яў, якія выхоўваюць непаўналетніх дзяцей. Выратавальнікі абследуюць умовы пражывання, даюць парады і рэкамендацыі па павышэнню ўзроўня бяспекі ў домаўладаннях.
Таксама ратавальнікі праводзяць выступленні ў працоўных калектывах з мэтай нагадаць работнікам асноўныя патрабаванні правілаў бяспекі, як у побыце так і на працоўным месцы. Нагадваюць аб недапушчальнасці пакідання дзяцей без нагляду, правілах эксплуатацыі электрабытавых прыбораў, а таксама неабходнасці набыцця і ўстаноўкі аўтаномных пажарных апавяшчальнікаў і падтрымання іх у спраўным стане. Тым, хто яшчэ не навёў парадак на прыдамавых тэрыторыях, распавядаюць аб недапушчальнасці выпальвання сухой расліннасці і траў на корані, правілах бяспекі пры спальванні смецця, прыводзяць прыклады бестурботнасці людзей, якія прывялі да трагічных наступстваў.