З мэтай папярэджання пажараў па прычыне неасцярожнага абыходжання з агнём і гібелі на іх асоб, якія пражываюць у сельскіх населеных пунктах і так сама для жыхароў вёскі Клясціцы, правялі навучальны квэст "Першы выратавальнік на вёсцы".

Пачалося мерапрыемства з прафілактычнай гутаркі на якой прысутным давялі сітуацыю, якая склалася з пажарамі на тэрыторыі раёна, вобласці і Рэспублікі. Далей ратавальнікі распавялі аб асноўных прычынах ўзнікнення пажараў і як іх пазбегнуць. Пасля гутаркі ўдзельнікі мерапрыемства падзяліўшыся на каманды, прыняліся выконваць задачы на пляцоўках квэста.
Каманды умоўна выклікалі ратавальнікаў, праводзілі дэмеркурызацыйныя працы, выбіралі чым можна затушыць малое ўзгаранне, прымяралі баявую вопратку выратавальнікаў-пажарных, распавядалі і паказвалі правілы прымянення першасных сродкаў пажаратушэння. Кожны жадаючы змог праверыць сябе на веданне правілаў пажарнай бяспекі ў розных сітуацыях.
Пасля паспяховага праходжання квэст-гульні жыхарам вёскі ратавальнікі прадэманстравалі магчымасці і тэхнічнае абсталяванне пажарнай машыны.