22 верасня ў раённай бібліятэцы, для наведвальнікаў ОДПІ і ДПВ Расонскага раёна быў праведзены літаратурны круіз па творчасці народных пісьменнікаў Беларусі “Падарожжа да майстроў пісьменства”.
Вядучыя распавялі ўдзельнікам мерапрыемства, што 2022 год абвешчаны ў Беларусі Годам гістарычнай памяці, што вельмі важна з павагай адносіцца да роднага слова, нацыянальнай культуры, асветы і літаратуры.
Яны пазнаёмілі прысутных з жыццем і творчасцю вядомых беларускіх пісьменнікаў і паэтаў, чыталі падгатаваныя да мерапрыемства вершы на беларускай мове. Госці мерапрыемства адгадвалі загадкі на беларускай мове, прымалі ўдзел у віктарыне “Як ты ведаеш родную мову” і разам сабралі пазл “Мая радзіма – Беларусь!”.
