Казка – гэта тое, што дзеці чуюць з самага ранняга дзяцінства. І 16 ліпеня Дварышчанская бібліятэка запрасіла да сябе у госці дзяцей з Дварышчанскага дзіцячага садка на літаратурнае мерапрыемства ”Падарожжа па краіне беларускіх казак“. Падчас якога дзеці апынуліся ў чароўным казачным свеце, дзе мусілі сустрэцца з казачнымі персанажамі: пеўнем, катом, лісіцай, воўкам і інш. Потым ўсе разам адгадвалі загадкі і назвы беларускіх казак па ўрыўках. Напрыканцы мерапрыемства дзеці малявалі любімых казачных герояў.

Літаратурнае  падарожжа падарыла ўсім прысутным добры і сяброўскі настрой.