Першыя літаратурна-краязнаўчыя чытанні, прысвечаныя жыццю і дзейнасці Яна Баршчэўскага, прайшлі 9 лістапада 1996 года ў вёсцы Гарбачэва, паблізу родных мясцін пісьменніка.

А 9 жніўня ў Гарбачэўскай сельскай бібліятэцы адбылася чарговая выстава-знаёмства з біяграфіяй і творчай дзейнасцю беларускага і польскага пісьменніка ”Вясновы жаўрук з берагоў Нешчарды“.

Слухачы даведаліся, што паэт, празаік, фалькларыст, мысліцель Ян Баршчэўскі, за сваё параўнальна кароткае жыццё шмат зрабіў на літаратурнай ніве. Лёс быў не зусім удзячны да пісьменніка і яго творчасці. Толькі ў апошнія дзесяцігоддзі жыццё і творчасць Яна Баршчэўскага пачалі глыбока даследавацца, а творы яго ўвайшлі ў залатую скарбонку беларускай літаратуры. Па яго таленавітых творах здымаюцца мастацкія кінастужкі, ствараюцца тэатральныя спектаклі і пастаноўкі.

Пазнаёміўшыся з асноўнымі фактамі біяграфіі, дзеці акунуліся ў творчую глыбіню твораў вядомага пісьменніка і прачыталі ўслых два расказы  ”Душа не ў сваім целе“ і ”Драўляны дзядок і кабета Інсекта“.